*

É:so ienkà:ienhte



Áhsen iawén:re niiokwén:rare ne KANIEN’KEHÁ:KA RATIRIHSTA’KEHRÓ:NON teioriiá’ks káhson.  Sha’tewahsén:nen enkahwistá:’eke nikarí:wes enshaterò:roke ne énska.  Né:’e wathró:ri tsi nithoti’nikonhrakontáhkwen ne Kahnawá:ke, Akwesásne tánon Six Nations tsi ratirihsta’kehró:non.  Né:’e iá:ken aonhà:’a thatiio’tenhserí:io’s tsi ionhontsà:te.

Ohstónha ahtswa’tathserà:kon owenna’shòn:’a wátston ne HD “high steel”  karáhston. Né:’e karáhston tsi ní:ioht tsi tehontstikáwhahskwe ne Ratirihsta’kehró:non tánon raotihwá:tsire. Né:’e ó:ni wathró:ri tsi ní:ioht rononhnhé:tie’skwe.  Né:’e iá:ken aonhá:’a tióhtteron tsi  nihotiio’tenhserò:ten ne Ratirihsta’kehró:non.

Iote’nistaté:nion Teieientáhkhwa



Kí:ken teieientáhkhwa, owerà:ke tsi ténhsatkèn:ni. Tsi ní:ioht tóka shí:ken í:se Kanien’kehá:ka Rarihsta’kehró:non akénhake. Ó:nenk tsi Empire State Building enhsenonhsakétsko tánon ó:ni ne kahsennowá:nen Mercier Bridge enhshaskón:ni. Ítsehr tsi nahó:ten ne ohén:ton í:rate enhiahró:ri, senikón:rarak ne osti’tén:’a tsi kontitienóntie’s, ioronwarataríhen’s tanon otsiskaionní:ta teioweratà:se. Tóhka na’teionaktanetárion tsi nón:we ó:nenk tsi ienhserá:then, ken’niwá:a enhshaskwá:ren tanon ensehsehtshenriión:ko ne iakoio’ténhstha karihstasi’shòn:’a. Sé:sak tsi nón:we kaio’tén:en ne sénha é:so iahsiá:ton tánon teiontatá:wihs Kanien’kehá:ka Ratirihsta’kehró:non ratiia’tarónnion.

SATKAHRI’TSHERÒN:NI

Tóhka Nieioiénhton



MIWWTCand911WebsitePicture

Episode 1: Sate’nién:ten Óksa’k Táhsien.

Director: Courtney Montour

Iah nowen:ton tha’onsahoti’nikónhrhen ne Ratinien’keha:ka tsi niiawén:’en ne NYC World Trade Center. Ronónha ne Ratiien’kehá:ka rotinonhsakétskwen ne NYC World Trade Center. Peter J. Stacey, Randy Horne tánon Bill Sears sahatiiehiahrà:seron tsi niiore tsi wa’tewaté:ne tsi ronónhnhe tsi nahe thotiio’ten:en ne NYC World Trade Center. Ónen nó:wa, John McGowan tánon Preston Horn rononkwé:tase’s ne ratirista’kehró:non. Ronónha wahontahsnié:nen onónhsase sahatinonhsakétsko ne One World and Three World Trade Centers.

healthepisodepicture

Episode 2: Tekeníhaton Ieioiénhton

Director: Courtney Montour

Sha’tewaré:ni ne NYC Twin Towers, Ratiien’Kakehá:ka Ratirihsta’kehró:non wahontahsnié:nen. Akwé:kon é:ren wahatihá:wihte akwé:kon ne teioristahríseron, io’tákshen tánon teiothwataséhon. Shonnehiahrà:serons tsi ronwati’níha rotinonhsakétskwen. Iah ónhka tehonatateweiennentà:on tsi nenká:iere ne raonata’karitéhtshera né:’e takarihon:ni tsi wahrénheie ne Brad Bonaparte. Jason Mayo thonateróhonne. É:so rotahsnié:nen ne Jason Mayo, ó:nen nón:wa iáhten tehsota’karí:te tánon iáhten thaonsahakwé:ni aonsahoió’ten. Tsi ó:nen ontóhetste ne 9|11, John McGowan ionsahatahsón:teren tsi rarihwakweniénhste ne World Trade Center. Ó:ia sahatinonhshakéts:ko, né:’e ne aonhá:’a tióhtte ne Western Hemisphere.

ironworkersfestivalepisodepicture

Episode 3: Ahsénhaton Ieioiénhton

Director: Jeff Dorn

Énska ne tsóhsera, Akwesásne Ironworkers Festival ronterihwahtentiá:tha ahsakotina’tón:hahse ne Onkwehshòn:’a oh ní:ioht tsi ratirihsta’kehró:non rotiió:tens tánon tehontkénnie’s. Ronhská:’neks ahontkwe:ni ne “Ultimate Ironworker” teiontkenniehtáhkhwa.

MIWTrainingForSteelWebsitePicture

Episode 4: Kaieríhaton Ieioiénhton

Director: Margaret Horn

Ratiká:ratons sénhs tsi kwah raotinekwénhsakon í:wa ne Kanien’kehá:ka karihstà:ke ahotiió’ten. Tsi niió:re takahwatsiratátie shihotiió:tens ne karihstà:ke. Nón:wa ó:nenk tsi enhonteweienhstá:na tánon enhotihiatonhseraièn:ta’ne tsi tehonatohétston. Kahnawa’kehró:non, Tiohtiá:ke iehonteweiénhstha ne Tiohrhen’shaka’neha áhontse. Akwesasró:non, tsi thotinà:taien nen’né:’e ronteweiénhstha, William Cook onkwe’taká:ion rarihsta’kehró:nonhkwe teshakorihonnièn:ni.

albertstalkepisodepicture

Episode 5: Wískhaton Ieioiénhton

Director: Jeff Dorn

Albert Stalk, Kahnawa’kehró:non, karíhstatsi wahoió’ten tsi ní:ioht ne roníha. Néktsi iohsnó:re wahonwaientérha’ne tsi iahten tehohterón:ni. “Eiffel Al” iahonwaná:tonhkwe né:’e tsi “Eiffel Tower”, tka’nikáhtote wahará:then tánon iahten tehaia’táneren. Tsi wahonwaientéhrha’n, kasennenwa;nen teionrerenhstáhkhwa ronhtahkon:ni wahonwáhna’ne ne sénha ahahsennowáhna’te raonahta’shòn:’a. Né:’e ó:ni teieientáhkhwa tkaras wahonwahon:karon a’ontahaià:tara’ne.

boomingoutnycepisodepicture

Episode 6: Iaiákhaton Ieioiénhton

Director: Paul Rickard

Ronatiohkowá:nen ne Kanien’kehá:ka Ratirihsta’kehró:non New York City (Kanón:no) niahón:ni, né:’e tsi é:so tkaio’tensheraièn:tahkwe. É:so ne tkanonhsowá:nen’s rotikétskwen. “Little Caughnawaga” takonwaná:tonhkwe ne Brooklyn tánon shé:kon nón:wa thatinákere ne Kanien’kehá:ka Ratirihsta’kehrò:non. Thomas, tia’tehiaia’ksherà:ke tehateráhtahkwe raowá:tsire aonsahsakotken’sè:ra.

MIWTheHillBrothersWebsitePicture

Episode 7: Tsatáhkhaton Ieioiénhton:

Director: Michelle Smith

Hill kahwá:tsire rontate’ken’okón:’a Mike, Gary tánon Rodney. Tsi na’tehóntere, ísi’ nón:we ne sha’té:kon niwáhsen niiohserà:ke karihstà:ke rotiio’tén:’en. Ronaterién:tare tsi nihotiiotenhserò:ten ne ratirihsta’kehró:non. Kahwá:tsire tehontaterihwawá:se ne ahonterihwahtentia’te ne karíhstatsi aorihwà:ke. Wahonwáhsere ne ronwati’níha tsi nihoio’tenhsero’ténhne. Tánon né:’e ne raotihwá:tsire tontahonwatihswa’néta tsi nikaio’tenhserò:ten rotirákwen. Wahokarè:wahte ne Rodney tánon ne rontate’kén:shen wa’thonwáhsnie’ne tsi niió:re sahaie’wèn:ta’ne. Né:’e takarihón:ni tsi wahatoríhsen tsi roió’tehkwe.

MIWAkwesasneBridgeWebsitePicture

Episode 8: Sa’tekónhaton Ieioiénhton

Director: Jeff Dorn

The Seaway International Bridge, tsi natetiátere ne Wahstonhronónke tánon ne Koráhne. Karihstì:seron tsi na’tetiátere ne Akwesásne tánon Cornwall, tánon né:’e sénhs Akwesasrò:non ronhskwakwatákwaskwe. Né:’e ne skáthne rotiio’ténion wahoti’nikonhrákshen tsi wahonnonkwe’tòn:ti ne Angus Adams, ohén:ton rá:tahkwe. Akwé:kon ne ratirihsta’kehrón:non wahotini’konhráksen. É:so roteriien’tárahkwe tánon nia’té:kon raweientehtón:ne. Tiótkon enhonwehiá:rake. Tiokontáhkwen rati’nikón:rare ne tóhsa othé:nen taka’niénsken’ne. Kawera’sáhtste tekaweráhkhwa tánon iohsnòre tsi iothnekahten’tionhátie tsi kaniataratátie.

healthhomeepisodepicture

Episode 9: Tiohtónhaton Ieioiénhton

Director: Michelle Smith

Ónhka ne karihstà:ke rotiió’tens ronaterién:tare tsi né:’e ne aonhà:’a tioio’tenhserátteron tánon né:’e ó:ni tioio’tenhserákste akwé:kon tsi niiohontsá:te. É:so tsi ronhkwíhsrons. Nékati ne raonata’karitéhtshera aónha:’a tkarihwanó:ron tánon né:’e enkáhne ne tóhsa ahotikaré:wahte. Tiótkon aka’sátsteke ne raotihwíhsa. Hayden Hemlock, 40 niiohserà:ke shiharihsta’kehró:non. Wahatoríshen tsi roio’te né:é tsi wahokaré:wahte. Ó:nen nón:wa, tehatatáhsnie ne aonsahata’karí:tate. Sha’oié:ra onónhkwa rátstha tsi ní:ioht tsi ronwarihonnié:ni, Geggs Martin ohén:ton rà:tahkwe. Wahatoríhsen tsi rarista’kehró:non tánon tsi nahó:ten ratihsere ne ratirihstakehró:non, “Sewahkwíhsron tsi sewaió’te, sewahkwíhsron tsi tesewatate’nikonhrawenrie tánon tsi sewatoriiá:neron.” Wahahská:neke ne raowà:tsire skátne ahonnè:sheke, smoothies tánon ne skátne tahonrè:ren.

MIWSixNationsIronworkersWebsitePicture

Episode 10: Oieríhaton Ieioiénhton

Director: Paul M. Rickard

Six Nations of Grand River thatinákere, né:’e aonhá:’a thononhontsowà:nen tsi ní:kon kanonhstáthon ne Koráhne. É:so rá:ti ne ratirihsta’kehró:non enhatiká:raton tsi ní:ioht tsi rotiweientehtá’on ne karihstà:ke ahotiió’ten. Rick Hill, Historian nahaia’tò:ten, wahathró:ri tsi nitiawénhseron ne wahón:nise ne Kanien’kehá:ka raotirihwà:ke. Taharihwakè:ron tsi naho’tén:shon rotikehtskohà:ton. Wahathró:ri tsi Kanónhsehsne wahatinonhsakétsko ne thóne. Sok wa’thontháhahkwe Kanón:no niahatiié:ra’te. Nón:wa wenhniseraténion, tekahshotsherà:ne tsi náhe thonatáhsawe skátne rotiio’tén:’en. Nón:wa, ohén:ton ia’tehatiká:nere tsi naho’tèn:shon enhshatiketskohà:ton. Marshall Cayuga, skátne rotiió’te ne shako’ien’okòn:’a tánon Gerry Burning, shakohretsá:rons ne ronteweiénstha ne ratirihsta’kehró:non ahón:ton tsi tá:we ne awenhní:sera ronnónha akwé:kon ratirihsta’kehró:non enkénhake.

boomingoutwestepisodepicture

Episode 11: Énska Iawén:re Ieioiénhton

Director: Paul Rickard

Ronhténtie’skwe ne ronnón:kwe, ratiio’tenhsherisákhe’skwe, “booming out” wa’konwaná:tonhkwe. Skakaniétshera ne Kanien’kehá:ka wahonhtén:ti wahatiio’tenhserisákha, shewatié:rens tóka oié:ri tewen’niá:we mile wate’nienténhston tsi ni íohahéhs tenhontstikáwha. Saskatchewan niió:re iahatiio’tenhserahtshén:ri. Kanonhsowà:nen’s tánon tiohtté:nion wahatinonhsaketskohá:ton. É:so ronatkariá:ki nék tsi iokarowà:ne tánon só:tsi í:non tsi thotiío’te. Iah teiotkà:te tha’tehontátkens ne raotihwá:tsire. Thonnón:we sénha iorihowá:nen tánon io’nikonhráksen tsi ronnonhtónnion.

MIWJohnSquiresWebsitePicture

Episode 12:
Tékeni Iawén:re Ieioiénhton

Director: Michelle Smith

Í:si’ nòn:we ne kaié:ri niwáhsen niiohserà:ke sa’tehenhná:kahs ne John Squires tánon iah thé:nen teió:ken ne aontaha’seròn:nenhte. Tsi onkwe’taká:ion, nia’té:kon roweientehtà:on tsi rarihsta’kehró:non niha’tò:ten. Kwah í:ken é:so tsi ionkwe’tanò:ron. Shakorihonnién:ni ne onkwe’tase’ò:kon tsi naióhton ne tóhsa ónhka ahotikarè:wahte tánon tóhsa ónhka ahsakotikarè:wahte.

womenironworkersepisodepicture

Episode 13 Áhsen Iawén:re Ieioiénhton

Director: Courtney Montour

Kanien’kehá:ka konnón:kwe Kontirihsta’kehró:non ó:nen wahonwanatia’tahrahse ne ronnón:kwe. Ronnón:kwe ronnonhtónion tánon konwatirihwáhrohs “tsi iah thakontikwé:ni só:tsi ioio’tenhserákste.”
Tiffany Johnson iontátiats, wà:’enhre tó: khena’tónhas tsi iah teketshá:nis tsi nón:we ne aontaiottéhake tánon iakokwénion aiehará:tate ne thé:nen aiokstéhake. Tho ki’ na’è:iere wa’onterí:waienste ne Akwesásne thonwatirihonnièn:ni. Ó:nen iakotoríhsen ne Janice Albany tsi ierihsta’kehró:non, ohén:ton ié:tahkwe ne konnón:kwe kontikontsheráhrhos Ne Mercier Bridge. Tánon ó:ni Lu Ann Styres, Six Nations nitiakohténtion, iakote’nikonhrí:son tsi ieniekòn:tahkwe tsi iakoió:’te. Teiakotonhontsó:ni taiontén:tsha ne “kahsén:na” tsi akaónha aonhá:’a ontaiakoién:take ne iakón:kwe ierista’kehró:non.

Tehotirihwaienawà:kon Tsi Rotiio’tèn:’en



Mushkeg Media

Ronnonkwehón:we raotirihwà:ke tsi ronaterihwahtentià:ton ne Mushkeg Produtions Inc.   Teióriia’ks ronnón:ni ne ahonwatina’tónhahse ne ratihnakèn:ra tsi ní:ioht tsi tehonatatiénhton tsi ronnonhétie ne Ronnonkwehón:we.  Ronahkwíhsron tsi nón:we ratinakerón:nion tánon né:’e ne raotiianerénhsera áhontste.  Paul M. Rickard (Cree ) raráhstha tánon rahtentià:tha ne karáhstha  tánon né:’e ne George Hargrave skáthne rotiio’tátie ne Kanien’kehá:ka Ratirihsta’kehró:non.  Né:’e ne ó:nen kaieríhaton Mohawk Ironworkers rotíhson.  APTN enthatí:rahste

div class=”row”>

MIWWTCand911WebsitePicture

Paul Rickard

Director / Producer

Paul Rickard: Omuskego Cree nihaia’tó:ten, Moose Factory, Northern Ontario thoténtion. Tewáhsen wísk niiohserà:ke shihoió’te. Tsi nihoio’tenhseró:ten, akwé:kon raón:ha thanónhtons tsi nahò:ten ronaterihwahtentià:ton. Raráhstha tehotirihwaiennawá:kon teióriia’ks rón:nihs ne Onkwehón:we akorihwa’shòn:’a. Iehoio’tén:’en ne Nutaaq Media Inc., Wawatay Native Communications Society, CBC North tánon National Film Board of Canada. Paul wahaterihwahténtia’te ne NFB iotkwé:nion “Okimah”. Oiá:shon ne raónha raó:wen Ionterihwahtentia’táhkhwa Mushkeg Media Inc. tkahsa’ánion:- “Finding Our Talk: A Journey into Aboriginal Languages”, “Little Caughnawaga: To Brookyln and Back”, “Kanien’kehá:ka Living the Language”, “Aboriginal Architecture, Living Architecture” tánon “Ring of Fire”.

healthepisodepicture

Courtney Montour

Writer/Director

Courtney Montour, Kanien’kehà:ka, Kahnawà:ke iená:kere. ierihwí:saks, ierihwarò:roks tánon ierihwaráhstha teióriia’ks ióntstha tsi ieráhstha tánon ne digital media ó:ni ióntstha ne tsi ní:iot tsi rontatka’én:ions ne Onkwehón:we tánon ne raotirihwa’shón:’a. Né:’e ne tiotierénhton wa’onterihwahténtia’te, Sex Spirit Strength (2015), APTN takà:ra’ne tánon teiorí:wake waontkwé:ni tsi nón:we ne 2016 Yorkton Film Festival ne ó:ni ne iakoio’ten:en ne Mohawk Ironworkers (2016), Working It Out Together (2016), and Dream Big (2015). Festival. Tiakoniarotárhon tsi káhson ne Mohawk Ironworkers (2016), Working It Out Together (2016), and Dream Big (2015). McGill University nón:wa tiakoió’te, Iakoio’tatie tsi nihotinaktó:ten ne rononkwehòn:we. Kahnawake tsi nón:we enhontéweienhstà:na.

George Hargrave

Producer

George Hargrave, ó:nen tewáhsen wísk niiohserà:ke shihoio’tatie’s aharahstánion tánon iáhten kánenka tethotahsà:ronte. Akwé:kon raonhà:’a thoniarotháhrhon tsi naho’tén:shon roio’tátie’s. Raónha tánon ne thonatenróhon Paul Rickard thonatáhsawe ne Mushkeg Media. Othore’kehkó:wa iehawenónhne l987 shiiohserò:ten. Tsi niió:re tsi wahawerien’tí:io tsi ní:ioht tsi thatiná:kere ne tho, wahakararahstánion tsi naho’tén:shon wahatkahthóhseron. Waharahstá:nion tsi ní:ioht tsi thatinákere ne Othore’kehkó:wa. É:so ó:ni oiá:shon thonatká:wen tsi nahó:ten rotirahstánion, tsi nitewawennó:ten’s, onen’tákeri, chocolate, tóhsa akaniá:to, aterihwaienhstáhtshera, ronwanatsteríhstha ne ratiksa’okòn:’a tanon ne konnón:kwe, ata’karitéhtshera, tsi nitiawénhseron ne wahón:nise, tánon ó:nen ne Kanien’kehá:ka Ratirihsta’kehró:non. Ó:nen nón:wa Rivet Rampage (Iotenonwaraté:nion) rotihson. Ionte’nikonhroriia’táhkwa (video game) í:ken. Ratatewennì:io tsi nahò:ten ahaterihwatstè:ritste tánon akwé:kon raón:ha thoniarotáhrhon tánon tahononhtóntie.

div class=”row”>

MIWWTCand911WebsitePicture

Michelle Smith

Writer/Director

Michelle Smith, Metis niieia’tó:ten. Iakorihonnién:ni tánon teióriia’ks iakón:ni. Teióriia’ks iakón:ni né:’e tsi niionkwarihò:ten’s ne Tionkwehón:we tánon tsi ní:ioht tsi tewáhsere. Tsi naho’ténshon iakohiatón:nion: Working It Out Together 3 (2016) Finding Our Talk (2010) DetermiNATION Songs (2009) Turbulent Waters (2004) Buried Traces (2010) It Was A Woman (2013) Tánon oiá:shon, www.OtaNdaYanaan.net. Teieientáhkhwa Cree Goose Hunt. Communications iakorihhonnién:ni Dawson tánon John Abbott Colleges in Montreal. Tánon ierò:roks Dawson College Journeys Program né:’e ne Onkwehón:we thonteweiénhstha.

healthepisodepicture

Margaret Horn

Associate Producer/Director

Margaret Horn, Ienien’kehá:ka, Iakoniáhton tánon Kahnawa’kehró:non. Ohén:ton ié:tahkwe tánon aka’ón:ha akwé:kon iakoterihwahtentia’tòn:ne ne Our Nation’s Elders Speak and Diabetes & Aging, Keepers of the Earth: Women and HIV/AIDS, né:’e ne aiontia’tahkarí:iostha, Spirit In Motion (APTN tiorà:on) and Coming Full Circle. Né:’e ne iakorihonnién:nie ahontia’tahkarí:iostha né:’e iáhten thahonkwíhsron ne thotí:ien’s. Shiiohserò:ten ne 2006, wa’onterihwatén:tia’te iá:ia’k nikahseriié:take nikarí:wehs ne tká:ra’s Spirit of the Land. Né:’e ne Onkwehshón:’a aionterò:roke tánon aiakotó:kenhse oh nahó:ten aiontkáhtho nó:nen teniontstikáwha ne Koráhne. Taie’seròn:nenhte ó:nen tsi iakoió’te kwah nékne tetsonteráhtha tsi na’tetiátere ne Kahnawà:ke tánon Adirondacks, tsi nón:we nitionkwé:non.

Jeff Dorn

Writer/Director

Jeff Dorn: – Skáhere ne tewáhsen wisk niiohserà:ke ó:nen shihakararáhstha. É:so ó:nen ne raoio’ténhsera iothkwé:nion. Rarihwakweniénhstha tsi niiawénhseron tánon raská:neks ioiá:nere tsi ní:ioht tsi taonttè:ni. Rarihwanòn:we’s ne takathà:rake ne orihwa’shón:’a ohén:ton tsi ní:iore enhaká:rarahste. Né:’e tsi naho’ténhshon roio’tèn:’en né:’e enkakwé:ni entesa’nikonratihèntho ne í:si’ nón:we iáhshawe.

Takathá:rake



514-279-3507

mushkeg@videotron.ca

Ia’skwátho tsi nón:we Oià:tshon Tkahsa’á:nion

Mushkeg Media

It Was a Woman

Ring of Fire

Íhtsher